Gult myrkur
Á
eg misti mítt hjarta í ánni
og vit sótu har og tú segði
nú er vatnið silvur í ánni
og vit sótu har tá tú segði
eg gloymdi mín tanka í ánni
vit vassaðu har og tú segði
nú eru skýggini húð
vit vassaðu har tá tú segði
eg fann eitt spegl í ánni
og vit hugdu har og tú segði
nú er ljósið vátt í ánni
vit hugdu har tá tú segði
eg sá morgunin í ánni
vit vaknaðu har og tú segði
nú er áargrótið leyv
vit vaknaðu har og tú segði
vit vóru næstan ung í ánni
vit svumu har og tú segði
nú er náttin sól í ánni
vit svumu har tá tú segði
- Blátt myrkur
skuggi, eyga og húð nú
eg ætlaði at siga tað sum tað var
tíðin sakk og tað sást tú
tað vóru ongar løtur har
gloyma gloyma at svara
tú minnist allatíðina
tú má lata taðfara
tú bíðar inn í náttina
tú tekur meg við tær
niður í tað bláa
og morgunin druknar okkum aftaná
tú tekur meg við tær
niðurí tað bláa
og allir dagar fossa myrkur yvir í meg
koma morgun og tú nú
eg ætlaði at vísa tær hvør eg var
ljósið sakk og tað sást tú
tú saknaði mítt andlit har
gloyma gloyma at læra
eg haldi at eg segði tað
tú má lata meg fara
eg eri farin óansæð
- Hús
innlýsandi
húsið broytir seg
ting sum tú átti eiga meg
rúmini
opin og ljósið er
sansi eg teg
øll klæðini
møblarnir eru livandi
kamarið
vindvilla útsýnið
royni eg
at lata vera við
at føla teg
royni eg
at lata vera við
at sakna teg
ein tími er ein dagur er ein máni er eitt ár
sjálvljóðandi
lagið broytir seg
gitarin minnist eisini
streingirnar
alt tað tú lærdi meg
royni eg
at lata vera við
at føla teg
royni eg
at lata vera við
at sakna teg
ein tími er ein dagur er ein máni er eitt ár aftrat
- Træ
í dag
hati teg eitt sindur
og diskussión
røddin ein knívur
karvar meg upp
í dag
drepur meg eitt sindur
drøj illusión
tímarnir hvassari
spretta meg upp
húðin er tunn sum eitt blað
gloyma vit tað
spennir seg út yvir monstrið í mær og tær
í dag
vaksur eitt træ
klatra vit har upp
útsýnið út
fellur eitt træ
detta vit niður
útsýnið út
spreingist eitt træ
í dag
vaksur eitt træ
í dag
angra vit eitt sindur
komplikatión
læsa vit munnin
knasa øll orð
í dag
skræðir okkum sundur
revolutión
kanska verðin av nýggjum í dag
- Appilsin
vit leiddust runt í stórbýnum í regni í apríl
vit funnu lívd frá vindinum, cafe og góða tíð
vit fingu okkum toast og te, eg kitlaði tín arm
og eg minnist bleyta húð
eg minnist bleyta húð
eg minnist bleyta húð
men tú minnist larm
vit runnu millum bláklokkurá grønum hagalendi
tvey hjørtu rist í lotinum, eitt summar, eingin endi
vit gingu framvið vøtnunum og viltust millum skýggj
og eg minnist pílatrø
eg minnist pílatrø
eg minnist pílatrø
men tú minnist mýggj
vit spákaðu á torginum í sponskum hitastigum
ein røð av sølubásum, djúsut frukt í alskyns litum
og romantikkin áttuvit, sum øll forelskað pør
og eg minnist appelsin
eg minnist mandarin
eg minnist klementin
men tú minnist støv
og heystið kom, øll bløðini, og síðan vetrarfrost
men gjøgnum vár og summarið vit mussaðu hvønn koss
og nú vit mugu livavið at minnast tað sum var
tí eg minnist eyguni
eyguni sum sóu meg
tú gloymdi alt um meg og teg
- Barn
í tøttum ælaveðri sovnar tú
nei ongan skund, mítt eyga blundar nú
og tá túeina ferð vakir meg
er dagur dropaljóð á meg og teg
títt fína andlit, kom og heilsa mær
tú hoyrir meg, eg syngi fyri tær
eg peiki gongustjørna, vísi hvar
tú kallar skýggini og nertir fingrarnar
eg vildi ynskt tær endaleysa tíð
við góðum fjøllum, ættin blíð
har allir tímar ganga lætt um sól
har vit kenna bara løtuna, sum hon fór
tá sólarstormar vaksa størri her
tá lendið bloytir fyrstu skógvarnar hjá tær
túpeikar gongustjørna, vísir hvar
tú kallar skýggini, nertir fingarnar
- T-shirt
eg minnist tín stíl
tína t-shirt og jeans
og asfaltið broytti seg
tá tú spákaði
eg minnist títt smíl
verðins besta klisje
og dagarnir opnaðu seg
tá tú flennti
tí tú
eigur tað ljós
sum setur seg fast í meg
eg veit at alt er sagt, tað er heilt okay, hey
eg veit at alt er sagt
eg minnist tína rødd
eitt sjarmerandi hey
og orðini súrepli
tá tú segði tey
eg minnist tíni eygu
sóu inn í mítt sinn
sekundini blinkaðu
tá tú filmaði
tí tú
eigur tað ljós
sum setur seg fast í meg
eg veit at alt er sagt, tað er heilt okay, hey
eg veit at alt er sagt
- Gult myrkur
tað er henda svarta aldan innaní
og míni bein sum allatíð ivast
náttúran sum tyngir meg innaní
og støðini við vátum nøvnum
tað er ein bók um ljós innaní
og mínar hendur sum blaða og blaða
myndir í bakspeglinum innaní
og alt eg sá aftaná
tað er telefonin sum lýsir á títt andlit innaní
og kvøldið, býurin, filtur
tað eru dreymar av bleytum gróti innaní
eitt grýtut tankalendi
dagar av reyðum silki innaní
spunnir úr træðrum og tíð
tað eru orð sum líkjast haga innaní
á opnari bókstavajørð
nætur við gulum myrkri innaní
og bylgjur av gloymdum svøvni
tað eru orð sum stroya saltið á
og bíta í svíðandi hjarta
tað er mánin sum lýsir á títt andlit innaní
og eingin ilt at anda
tað eru vøtnini og blikastilli innaní
at grynna á djúpinum
tað eru veingjastøv og sannleiki innaní
- Ljós
um tú kemur inn
gev tá skuggunum ró
um tú kemur inn
skumpa tímarnir fram
um tú kemur inn
kasta sjógvin til brim
um tú kemur inn
gev tá minninum flog
um tú kemur inn
slætta orðini út
um tú kemur inn
lat alt tað ljóðleysa tiga
lat tá sólina gosa
lat tá ljósið bráa
lat saknin skýma yvir allan iva
lat allar dagarnar bíða
um tú kemur inn
lat meg kenna ein vin
um tú kemur inn
lær meg grepini
um tú kemur inn ver eina løtu aftrat
lat tá sólina gosa
lat tá ljósið bráa
lat saknin skýma yvir allan iva
lat allar dagarnar bíða
um tú kemur inn
sig mær frá tá tú fer
tað seinasta eg segði
fór við tær avstað